*4777 
Bu zərərvericiyə qarşı preparat:
TUNADIS 100 EC
TUNADIS 100 EC Aktiv maddə: 100 g/l Penconazole TUNADIS 100 EC fungisidi Türkiyənin pestisid istehsalında ilk beşliyinə daxil olan ASTRANOVA şirkəti tərəfindən
Sarı pas xəstəliyi
*Göbələk xəstəliyi
Sarı pas xəstəliyinin törədicisi Puccinia striiformis West göbələyidir. Taxıl bitkiləri fəsiləsinə mənsub olan bir çox yabanı ot bitkiləri – çayır, eqilops, ceyran arpası və s. pasın yayılmasında əsas mənbələrdən biri hesab olunur. Sarı pas törədiciləri –sporlar külək axını və həşəratlar vasitəsilə geniş ərazilərə yayıla bilir. Sarı pasın aralıq sahibi məlum deyildir.
Xəstəliyin səciyyəvi əlaməti bitkinin yarpaqlarının üst səthində xətvari sarı rəngli sporların əmələ gəlməsi müşahidə olunur. Həmin sporlar inkişaf edərək böyüyür və yarpağın səthində dağılır və spor kütləsi xaricə tökülərək ətrafa yayılır.
Xəstəliyin ilkin əlamətləri erkən yazda bitkilərin kollanma və boruyaçıxma mərhələsində müşahidə olunur. Qışın mülayim keçməsi bəzən göbələyin bütün vegetasiya boyu inkişaf etməsinə şərait yaradır. Xəstəlik külək vasitəsilə yayılır. Sarı pasın törədicisinin inkişafı üçün 10-13 °C temperatur optimal hesab olunur. Sporlar 0 °C temperaturda belə cücərə bilir. 20 °C-dən yuxarı temperaturda göbələyin inkişafı zəifləyir. Qeyd etmək lazımdır ki, Azərbaycanda aprel və may aylarında, temperaturun gündüzlər 20-25 °C olmasına baxmayaraq, gecələr 15 °C-yə, yaxud ondan da aşağı düşməsi göbələyin inkişafına müsbət təsir göstərir. Sarı pas xəstəliyi buğdanın vegetasiysının əvvəlində, yəni erkən yazda əmələ gəldiyi üçün onun məhsuldarlığa vurduğu ziyan daha çoxdur. Xəstəlik nəticəsində bitkidə fotosintez prosesi zəifləyir, yarpaqların assimilyasiya səthi kiçilir, tənəffüs prosesi güclənir, buxarlanma artır və yarpaqlar vaxtından tez quruyub tökülməyə başlayır. Nəticədə dənin dolması prosesi tam getmir, əmələ gəlmiş dənlər cılızlaşdığı üçün 1000 dənin çəkisi də aşağı düşür.
Aqrotexniki mübarizə tədbiri olaraq
-Növbəli əkinlərin və sələf bitkilərinin tətbiqi;
-payızda taxıl əkiləcək sahələrdə şum altına fosfor-kalium, erkən yazda isə yemləmə şəklində azot gübrəsi verilməli;
-taxıl alaqlarına qarşı vaxtında mübarizə aparılmalı;
-sərinqabağı toxumlar dərmanlanmalıdır.
Kimyəvi mübarizə tədbirləri xəstəliyə güclü tutulan xəstəlik əlaməti görünən kimi aparılmalıdır. Gecikdirilməyə yol verilsə, tədbirin heç bir nəticəsi olmur.
DİGƏRLƏRİNƏ DƏ BAXIN
Dəmgil Monolioz Sitosporoz Alternarioz və ya tünd-qonur ləkəliliyi xəstəliyi Boz çürümə
TUNADIS 100 EC Aktiv maddə: 100 g/l Penconazole TUNADIS 100 EC fungisidi Türkiyənin pestisid istehsalında ilk beşliyinə daxil olan ASTRANOVA şirkəti tərəfindən